Ramei oo Ajau Kampung Senep liwai ji atek ramei nak pe palai ntaun masa nai ule' mung. Aturcara kise' du ramei oo Ajau liwai ji un lebih tega berbanding uman-uman je' lapa re. Nak pe lepo' ilu ji un iut, tapi eda tetap bersemangat ngan liwai ji eda un mengin Pastor Sibat Jan, nai bada' tira' Tuhan.
Tai taup laa jane ilu nading petira' ramei oo Ajau. Fokus utama dan perancang mung de' lata' keji jane, ke pedengkep kise' layan lepo' le ngan Perinta, uyan amin mading ngan mola. Telu perkara ji je' atek matlamat le liwai ji apan Badeng Senep maju ngan sokat paban kemajuan berbanding kemajuan lepo' de' ca. Pen. Ketua En. Petanyit petira' cuk du de' ntaun awai uyan amin apan nyangkit uyan amin. Ngan kado' pe ida de' petira' ake' ntaun catat isu re, tapi un dalem simpanan/rakaman video je' uban ilu ala'. Ji kise' gaban-gaban dalau du petira', ngan un pe ke' amaitebun.blogspot.com